देशातल्या सीएनजी कार्सच्या सेगमेंटमध्ये मारुती सुझुकी या कंपनीचा वरचष्मा आहे. कंपनी या सेगमेंटमधला त्यांचा पोर्टफोलिओ अधिक बळकट करण्याच्या प्रयत्नात आहे. त्यामुळेच मारुती सुझुकी कंपनी ब्रेझा या कारचं नवीन मॉडेल सीएनजी व्हेरिएंटमध्ये लाँच करण्याच्या तयारीत आहे.
पेट्रोल डिझेलच्या वाढलेल्या किंमतींमुळे देशात सीएनजी कार्सची मागणी वाढली आहे. त्यामुळे बहुतांश वाहन उत्पादक कंपन्या सीएनजी कार्स लाँच करू लागल्या आहेत. या सेगमेंटमध्ये मारुती सुझुकीचं वर्चस्व आहे. कंपनी या सेगमेंटमधला आपला पोर्टफोलिओ अधिक बळकट करण्याच्या प्रयत्नात आहे. कंपनी सध्या मारुती सुझुकी ब्रेझा या कारचं नवीन मॉडेल लाँच करणार आहे. ग्राहक या मॉडेलच्या लॉन्चची आतुरतेने वाट पाहत आहेत, कंपनी लवकरच या कारचा लुक आणि फीचर्स लवकरच सादर करेल. दरम्यान, अलीकडेच, एका TVC शूट दरम्यान, लोकांना नवीन ब्रेझा कार पाहायला मिळाली आहे. तुम्हीदेखील या कारची वाट पाहात असाल तर आम्ही तुम्हाला लाँचिंगआधीच या कारच्या फीचर्सची, इंटीरियर आणि एक्सटीरियरची माहिती देणार आहोत.
सध्याच्या मॉडेलपेक्षा उत्तम कार
सेकेंड जनरेशन मारुती सुझुकी विटारा ब्रेझा ही कार पुढील महिन्यात (जून २०२२) भारतात लॉन्च केली जाऊ शकते. ही कार सीएनजी किटसह देखील सादर केली जाऊ शकते. या कारच्या इंटीरियर आणि एक्सटीरिरमध्ये बरेच बदल पाहायला मिळतील. या कारमध्ये नवीन डिझाइन ग्रिल आणि हॉरिझॉन्टल क्रोम स्लेट मिळेल. यात सी-शेप्ड एलईडी डीआरएल, अपडेटेड हेडलाइट्स, नवीन डिझाइन केलेले अलॉय व्हील्स, टेलगेटवर नवीन बॅजिंग आणि अपडेटेड टेलपॅनल पोझिशनिंगसह ही कार दमदार डिझाईनसह सादर केली जाणार आहे.
उत्तम फीचर्स आणि नवीन इंजिन
2022 Maruti Brezza या कारच्या इंटीरियर आणि फीचर्सबद्दल बोलायचे झाल्यास नवीन मॉडेलमध्ये सध्याच्या मॉडेलपेक्षा अधिक चांगलं इंटीरियर आणि फीचर्स मिळतील. या कारमध्ये एक नवीन डॅशबोर्ड, अँड्रॉयड ऑटो (Android Auto) आणि अॅपल कारप्ले (Apple CarPlay) सपोर्टसह अपडेटेड ९ इंचांची टचस्क्रीन इन्फोटेन्मेंट सिस्टम दिली जाईल. तसेच या कारमध्ये नवीन SmartPlay Pro Plus इंटरफेस मिळेल. या कारमध्ये फॅक्टरी फिटेड सनरूफ, ३६० डिग्री कॅमेरा, वायरलेस फोन चार्जिंग, हेड-अप डिस्प्ले (HUD), कनेक्टेड कार टेक्नॉलॉजी, फ्लॅट बॉटम स्टीयरिंग व्हील तसेच ६ एअरबॅग्ज, हिल डिसेंट असिस्ट यासह अनेक स्टँडर्ड फीचर्स मिळतील.
